مقدم خدمة! عايز تبيع! ماتبيعش

الفايل ده 8 ورقات بس .. أول ما نزلناه من 9 شهور بعتناه لما يقرب من 5500 مقدم خدمة .. فريلانسرز .. مديرين بيع .. موظفين شركات .. شركات تسويق ..ودلوقتى بعد تحديثه وانت بتقرأ وارد يكونوا كسروا ال 8000 مجتهد ..

منهم خريجين ورشي التدريبية أو خريجي معسكر من مهارة لبيزينس أو رحلة الكارير

ومنهم من عيلتي ومنهم عملاء الإستشارات والكوتشينج ومنهم منورنا جديد ..الحقيقة  290 فقط من أصل 8000 اللي هيوصل لاّخر حرف في اّخر صفحة ويقرأها بجد علشان كمان يلحق هديته .. و150 بس اللي هيوصلوا لجزء عقلية البيع والخريطة الذهنية.

باقي ال 8000 هيلاقى أول جزء محتاج تركيز مش هيستنى يوصل للوصية رقم 14 وهيسيب الفايل ويقفله ويحطه في ال Saved علشان يكون ريح ضميره.

صدقني بكلمك بجد.

المهم،

⬅️شوف صديقي الجامد جدا .. مبدئيا البيع شغلانة "الحرية" عايزك تثبت ده في دماغك.

البيع عصب الحياة .. انا كعواره لما بكلمك عن البيسرونال براندينج أو تحويل شطارتك لبيزينس حقيقي .. ولا بساعدك في كاريرك أو انك تبني لينكدإن بروفايل احترافي ميخرش الميه .. ده في الأول والاّخر ايه؟

ماهو بيع ..  بعلمك ازاي تبيع نفسك ومهارتك وخبرتك وقيمك ومعتقداتك صح بشكل عميلك المثالي يحبه. يحقق لك ربح وأثر.

طب لما بوصيك بالبيرسونال براندينج وإستمرارية بناء سمعه طيبة هو في الأول والأخير ايه؟

ماهو برده بيع .. ازاي تبيع ميزتك التنافسية مش كدا وبس وتبعد عن الزحمة والخناقة اللي في سوقك، ركز بقى في دي علشان هنحتاجها قدام،الناس بتشترى ناس .. البشر بيدفعوا فلوس في بشر مش مقتنيات ولا مجسمات مصمتة ولا خدمات.

الصعوبة بقى مش في كل ده .. الصعوبة انك

تبيع فكرة .. و الأصعب

انك تبيع نفسك ككل ..

والأصعب لبكرة الصبح  بقى .. انك تبيع الفكرة ونفسك .. لشخص زيه زيك .. الشخص ده صديقي العبقري هو عميلك الجميل المثالي المحتمل.

ف تعالى نثّبِت شوية معتقدات في ال Mindset كالعادة زي ما متعود مني قبل أي شيء.🧠

واللي هتكون مدخل قوي ومهم للمسافة 0 ... سمعت عنها! طب سمعت عن هديتك فيها!